السعيد حافظ .. عمك شنطح

عمك شنطح
شعر
السعيد حافظ










حقوق الطبع و النشر محفوظة للمؤلف

الطبعة الأولى




الإهداء ....
إلى أختي و زوجها و أولادها
و بناتها و أحفادها السبعة
اللي في عمر زهور الدنيا
بتمنى أشوف فيكوا النخوة
و الخير اللي هيملى بلدنا
و الحب اللي يلف الدنيا
ريم و خالد ..عمر وفكري
زياد ..كريم و أحمد أخوهم
علشانكوا بهديكوا ديواني


-3-

عمك شنطح

عمك شنطــح جالك ينطـــح
ينهب أرضـك تقعـــد ليـــــه
جاى بيقبــح نـــاوي يدبـــح
يهتـــك عرضـك تعمل إيــــه

جـــاى يتمنى عفـق رقبتـــك
ليـــه تستنى قـــدم سبتــــــك
اقطع ديلــه و كرتــع رجلـــه
و حش لسانــــه من اللغلوغ
افقع عينـــه و قلع رمشـــــه
تنتف شعر كبير مصبــــــوغ
لاجل ما يبقى العبرة و ذكرى
لكـــل شناطـــــح خلــــق الله

مِد لُه إيدك ؟ إوعى انفســك !!
صحي وليدك قـــوم خُد نفســـك
و اعمل حُفرة كبيرة في أرضك
تدفس راسُــه فــي قلب الطيـن
واعمــل طبقــة ذِكــر عليهــــا
و عنــي و قســم ..... قول الله
لاجل ما يبقى العِبرة و ذكـرى
لكـــــل شنـــاطح خلــــــق الله

أذيعت في وسط الدلتا ملحنة بصوت الشاعر

-5-

يا قدسنا

اصمدي يــا قـدســنــــــا
يا أرض غاليــة عندنــــا
و إله نبينــــــا المصطفى
لازم هيـرجــع حقنــــــــا
اصمــدي يا قدســنـــــــا

خنازير تسلــم و القـرود
و الحق يوم لازم يعـــود
نركـع و نسـجـــد للإلـــه
ترجع لنــا أرض الجدود
و نصون كرامة شعبنــا

ما يهمنــاش شكل الحصار
قلع الشجر هدم الديــــــــار
متجمعيـن ليـــــا أو نهـــار
عارفيـــن بإن الصمت عار
صوت الأدان هيضمنــــــا

لو كل يوم مليــون شهـيد
حالفين بإن النصر عيـــد
أرواحنا تطلع في السمــا
تطوف و ترجع من جديد
نفديك يــا قدس بدمنـــــا

أذيعت في إذاعة وسط الدلتا ملحنة
بصوت الشاعر

-7-

يا ولاد بلدنا

صحصحوا يا ولاد بلدنا انتباه
اصحوا فوقوا و امسكوا طوق النجاة
انزعوا الخوف اللي مالي قلبكم
عيب نلاقي كل واحد في اتجاه

إحنا برضُه إللي اتلاقينا
و ضمِنا صُوت الأدان
يوم عبرنا و انتصرنا
من قلوبنا الدم هان
ليه بننسى و ليه بنقسى
و النفوس ناسية الأمان
المُروءة و الشهامة
هىّ دي أصل الحياة

قُوموا فكوا حبسكم
قُوموا اهدموا سجن الكلام
قوموا مرة اتحركوا
قوموا امسكوا أمر الزمام
اِنطقوا من حقكم
تبنوا أبراج الحمام
نفسي يرجع مجدكم
يعلى من أرضُه لِسماه


الشهيد
ما تــــزعليش يامّـــا
علشـــاني مـا تبكيش
ابنـــــك شهيــد يــامّا
علشان بلدنـــا تعيش

فايـــدة حياتي إيـــــه
و غازي داس أرضِك
طمعان في خيرك ليه
و لا يحتـــرِم عرضِك
مِليــون شهيــد تانين
قــوة صلاح الديـــــن
لبـــوا النِدا جَاهزيــن
بـايسين تُراب أرضِك
عُمـري ما كنت جبان
وشجاعتي من خيرك

قالهــا لي جــدي زمــان
ملنــاش حبيب غيــــرك
تشهــد علينـــا سنيــــن
ما كنــا نـاس خاينيــــن
يُحكمنــا شرع و ديـــن
عايشيـن على خيــــرك
هتبكي ليــه و السمــــا
و نجـــومها متقــــــادة
و عروقنا فيـها الدمـــا
و بــلادنـــــــــا ولاّدة
نروي الرمال و الطيـن
و نصحي ناس نايميـن
و ننطق الســاكتيــــــن
حـــب الــوطن عــــادة

-11-


يا عراقي

يا حلاوتــك يـــــا عراقي
و إنت فارس في الميدان

تضــرب أمريــكي حبـــة
بريطــانــي بيستخبــــــى
و معـــاك كــل الأحبـــــه
ما كنت في يوم جبــــــان

جايلك عمـــال يفتـــــــش
في خيــــرك قــــام ونتّش
منـــك عليـــــك يفتــــــّش
و إنت هتبـــــات جعـــــان

في سلاحه عليك يجرّب
يشــــرّق أو يغــــــــرّب
إوعـاك منــــــــه تِقــرّب
دا عــــدوك من زمـــان

في حضارتك جاي يدمّر
قاعـــد عنــــدك و شمـّر
و لا يمكـــن يـــوم يعمّر
خايـــن مالـوش أمـــان

حمامة السلام

وقفت حمامــــــة السلام
على عود من الصبـــــار
شايله لغصن الزتـــــون
طايــــرة في عــز النهار
لفـــت و دارت و رجعت
تنــــــزف آهــات المرار
غرست غصون الزتون
في ورقـــة الصبــــــــار

طارت و رجعت مكانـها
طمعانـــة تلقى الحنيــن
رسيت في وسط الشوك
شربت كاسات الأنيــــن

كبرت سنانـــك يـــا شوك
مصت في دم الحزيــــــن
شربت و شبعت و تخنت
تهتك في قلب السجيـــن

نزفت حمامـــة الســـلام
مــن قلبـــها لخضــــــــر
تروي في غصن الزتون
و الصبــــــــر بيمـــــــرر
شـــافت غراب البيــــــن
فـــي دمــها بيسكـــــــــر
حزنت و ناحت و طاحت
مـــع كــل شئ أخضــــر

نشرت في صوت فلسطين

-15-


اليو إن

يـــــو إن طلعت يو إن نزلت
يو إن تعبت أمـــــور تجـــن
الدوشجيــــة و البلطجيـــــة
و القرعجيـــة يقولـــوا فــن
يمرجحوهـــــا يفسحوهـــــا
يسكتــــوها يـــــا عم حــــن
يحزمــــوها يرقصوهــــــــا
يدلعوها يـا واد يــــــــــا جن
و كل رقصة تحتاج مناقصة
لكام مناقصــة من اليــــو إن
يو إن شاخت أمورها بـاخت
دماغهــا داخــت تنــــام تئن

كساح وصابها من إللي صابها
و فيـــن شبابهـــا صبــح مُسن
حروفــي مالت دموعي ســالت
عيــــــاري فالـت شبــعت أرن
تحتــــاج لحبــــه من الأحبـــة
و حبـــه حبــه سنان تســـــــن
لكن دي هتمة عيونها عتمــة
فـــي كل قطمـــة إزاي تشــــن


نشرت في مجلة كاريكاتير
-17-


فرقع بمب


فرقــع في بمب و ضيـــع العيد السعيــد
و امسك مسدس من بلاستيك أو حديـــد
مُش هحرمـــك م اللعب يابني أمنعــــــك
و أحرم طفولتــك من قُريب أو بعيـــــــد

في العيد تهيص لعبة حلوة بتنعشـــــــك
بس إفتكر كل اللي ضحك فرفشــــــــــك
علشان خلايق في الوطن صبحم عبيـــد
صوت القنابل في الودان هيدشدشــــــك

لم القرايــب و الحبايــب و الجيـــــــران
إحذف حــروف البلطجيــة و الجبـــــان
شكل فريــق روح اجري اِلعب إتبســـط
يمكن في يـوم تحتاج له مرة في الزمان

أبقى افتكــر كل السماســرة و الســـلاح
ملايين كتيــرة من البشر داقوا الجـراح
و البدر صخــرة متعترة خاصم نجــــوم
و الشمس طالعــة بتتخنق ساعة صباح

قوم اجري العب في الشوارع و الزحام
بس افتكر إن البلد ما فيهاش حمــــــام
و ما عادش فاضل م الزتون غير النوى
يمكن تنبت في الصخور بذرة ســــــــلام

نشرت في مجلة كاريكاتير و القادمون و كتاب ألوان و أذيعت ملحنة بصوت الشاعر في القناة الأولى و السادسة
-19-

و لا يمسح دموعك

احجب شعاع القمـــر و الضي عن عيني
اقفل بيبـــــان الهـــوى اوعــاك تصحيني
و لما يصحى العرب و يفوقوا من نومهم
ممكن أشــم الهـــوى و تعالــى صحينــي

يـا مسلمين اسمعـــوا دا القدس بينــــادي
سديتوا ليه ودنكم و الصرخـة في الوادي
ما عرفش ليه طبعكم ترضوا بــِذُل النـاس
نطق الحجـــر م الألم للطفــل في بــــلادي

يا ريتني طوبة تروح في إيدين فلسطيني
تمسكني إيــد البطل يحدفنــي يرمينــــــي
أنزل أشعلل نــار أحرق لـي كــام كافــــــر
أفـــــدي لدين الله و المولــى يحمينــــــي

مش هوّ دا طبعكــم غيرتــوا ليه الحــــال
بدتتوا ليه وقتكم ما عدش فيــه أمثـــــال
ضيعتوا فين ودكــم والكــره يملاكــــــــم
عودوا يعود عزكم قوموا اهدموا التمثال

جايبين شعوب الغجر قال يعني تحميكـم
فاكريـن غراب البين كتاكيت هيهديكـــم
و الديب هيرعى الغنم و القاعدة تحلالنا
نفسي أشوف دمعكم يغســل أياديكــــــم



-21-

المرايا الخارسة

الحاجات الحلـــوة فينــا
طارحـــة ملــح و مررت
و الأماني اللي ف عنينا
لونــها أسود غيــــــرت
و الكلام الحلــــو تايـــه
كلــه أصبــح في انــعدام
صعب نلحم في المرايــة
و الزوايـــــا اتكسّـــرِِت

علمـــوك إزاي تخبـــــي
تــــدفنـــي هموم الليالي
و اللــالي الحادقــة طالت
و الغمـــــوم دارت هلاــي

طال سكوتــك دمــروك
يــحرمــــــوك م الكلام
إيــــه يفيد لو يلحموك
شِبــــر ميــه بتــغرقي

علمـــوك إزاي تخبـــي
تدفنــي هموم الليالـــي
و الليالي الحادقة طالت
و الغمـوم دارت هـــلالي
اعكسي لليـــل ســـوادك
عتمة كتـــرت من سنين
احلمي نــحلم مـــــــعاك
أسقي م الأحلام عـيالي

مش هلومك يا مرايــــة
و العسل في الطعم مــــُر
و الطيور العالية نـــزلت
جــــوها مــــــا عاد يُسر
و الخنافس ريشهـا طالع
فارد الأحــــلام بشـــــوك
جن محبوس في الإزازة
انطلق في الدنيــــا حُــــر


نشرت في كاريكاتير و كتاب سنابل

-24-
الليل

الليل مِحاسب و الرواسب في الوجـع
و ضلوعــي تايهة جـــوّه مني بتتقلع
النوم مهاجر و لا خاصـــم جفننــــــا
و الرعب ساكـن جــوّه منـي بينزرع

و الخوف محاوط كل حتـة في جتتي
مرعوب و حاسس إن موتــي بيتنقع
و مسيري هشرب دي نهايـة سكتـي
و النقطة تكفي لو هترفض تتبلـــــع

الليل مقاتــل و المتاعب في السـكـــوت
و سريري فارد حضن جامـد للتــابـوت

و نفسه يحضن في ضلوعــي يضمنــي
يكسر و يطحن في الحناجر أي صــوت

الليــــل عذابي في كـــل ليلــة يهدنــــي
تلقـى المخدة الحلــوة عشــة عنكبــوت

و الخطايا إللي بشوفها كل يـوم بتذلني
مـــن عذابــي كل ليلــة نفســـي أمـوت

الليل متاعب هم كابس للعــــــــذاب
جه يحاسب قبل نسكن في التـــراب

جه يصحصح في الليالي عمرنـــــا
كدبة عاملة ع النواصي ألف بـــاب

و الغرابة إن إحنا نكدب كل يــــوم
بوم و ينشد لحـن معزوف للغُراب

و المشانق طايرة ترسم صبرنــــــا
تحصد الأحلام تعينها في الجراب


نشرت في أدباء السنبلاوين


-29-

ابن الدايرة

ابن الدايرة يا ابن الدايـــــرة
ليه خدماتك طايرة و حايــرة
و الشعارات مليانـــة تفــاؤل
ترسم مركز جوّه الدايــــــرة

قلنا نجــرب وجــه جديــــــد
قيمة و مــركز عـزم شديـــد
احتياجاتنا ما تفضـل يـــــوم
كل أوقاتنا هتصبح عيـــــد

قمنا جرينا بصوتنا ما نبخل
مرة أتكعبل مرة أتدهــــــول
تطلع طينته بنفس الطينـــة
نسخة تمام لأخينـــــا الأول

تحت القبة ينــام و يشخـــــر
حلم جديد للدايــرة يعمـــــــر
و البدلات و حصانة لهفهــا
و لخدمات الدايرة استنكــــر

قلت أبارك إمتى و فيــــــــن
هل هلال ستـة و تسعيــــــن
قاللي إنساني يا خفة مامــــا
أبقى قابلني سنة ألفيــــــــن

و إحنا بقينا سنـــــــة ألفيـــن
فين الوعــــد و رد الديـــــــن
قام شنغرلي بطرف رموشــه
يابني اضربها كمان في اتنين

نشرت في مجلة كاريكاتير
-29-

إستنساخ
استنساخ ممنوع في الشرع
يقولها الدين
علشان عالم أصله يهودي
من الفاجرين
جاي بيردد و بيتشدّد استنساخ
مهما هيعمل جوّه المعمل
مُش خايفين
عِلم وراثة..جينات حساسة
الموضوع باخ
ديننا سلاحنا و أصل نجاحنا
و مُش ساكتين
من علماء مصاصي دماء
هتلاقي كتير
م الإرهاب من غير أسباب
و بدون تفسير

يمكن تلقى النُسخة الماسخة
بنفس النوع
لازم نِصحى
نقُص فروعهم بالتكسير
نحمي ديارنا
و نحجب عنها الموت أو جوع
نحمي ولادنا
نِصون تقاليدنا من التدمير

استيطان في الأوطان استنساخ
إستنطاع استقطاع إستلباخ
شجرة وطارحة يهود حوالينا
و أصل و فرع تلاقي مناخ
سيبنا السايب قومنا لقينا
يهود بتهدد و بتتوعّد استنساخ

-31-

رعنان لوري
رعنان لوري رسام أمريكي تطاول علي الرسام المصري"جمعة"شارك برسومه ضد المصريين
لوري يا لوري يدوسك لوري
راجع ليــــــه بالفكر تـــحارب
أصل يهودي و أصلك نــوري
عمر ما يفضل بابنـــا موارب
رسمــــك فنـــــك يلعب دوري
يكشف مكـــرك جـــوّه مقالب
إيه هتكون في الكاريكاتـوري
جنب المصري هتفضل سالب

لَملم ورقــــك خليــــك فاكــــر
احبس نفْســك إوعـــى تبـــان
العب غيرها اسمعني يا شاطِر
إنسي إن إنت كمان رعنـــــان
-32-


فََـــوّق نفْســـكْ ارجــــع ذاكـــر
عُمر المصري مـــا يبقى جبان
تطلع إيـــه ؟؟ نعملك خـاطـــــر
فكرك جاى مسمــوم خربــــان

إوعـــاك تنسى الدور المصري
يا فسلة و طالعة في قلب الغاب
و حياة فجري و ضُهري و عصري
فكرك لعنـــــــة في كل كتــــاب
أصل و مبدأ يرســـم نـصـــري
عمرك حاوي و غاوي خــراب
يوم ما تفكر تجـــرح مصـــري
عيشتك تُبقى هِبــاب و ســـراب


-33-


اتنين في واحد

شبـــاب خنافـــس قرف
تافهيــن كدا مايعيــــــن
إشارب فـــوق شعرهـم
مِتدهوليـــن مايصيــــن
لا هيئة فـــي المرجلــة
و لا شكل في النساوين
إتنين في واحــد كـــــدا
بعيـــد عن السامعيـــن

ازاي هيحمــــوا البــلد
لو فيـــه حروب و قـال
لا لبانـــة تنفــع لهــــم
و لا ردة فــي الخلخال

و لا هاي و دادي هنا
و النــادي فيه أحوال
عايزين نفوق يا بـلد
نِــرجع نقـــول موال

جيل الأتاري خلاص
بيــموّت الإحســاس
و الدش يهــدم قِيَــم
مع كل شئ ينــداس
الوقت مالــه تــــمن
إزاي نعلــي أسـاس
و شباب يروح مننا
و إحنا هنا الحراس

يـــا مسؤلين في البلد
ياللي بقالكوا بيـــــوت
ربوا العيــال ع التـــقى
لازم في يـــوم هنموت
نزرع نــزاهة و شرف
في الحق نلقى الصوت
الخيـــر لهم بعدنــــــــا
و الشــر فـــردة بـــوت


نشرت في مجلة كاريكاتير

-36-

مش هاسكت

أخـــاف أكتم في أحـــلامي
تعبت أنصــح و أتكلـــــــم
تـــِطول السكـــة قُدامــــي
و طـــول العمـــر بتعــــلم
لا ييجــــي للكــلام آخـــــر
و لا السكــــة بتتــــاخــــر
و مُش لاقي إللي يسمعني
يـــرد الكلمة و يسلــــــــم

و لو صوتي إنــخرس مني
في حنجرتي صبح مسنون
هيكتب قلمـــي و يمــارس
و سن السن فيه مسنـــون

و صوت الحق طالــع فوق
و لو كان الهوى مشنـــوق
إذا صوتـــي اختفــى منــي
فكل الناس دي ليها عيـون

هتقـــرى كلامــي تدعيلــي
و يمكــن مــــرة تشتمنـــي
تقـــول الــواد دا بتفلسـف
و تحكـــم حكــم يعدمنـــــي
عشـــان مجنــون وبتشائم
و يمكن مــــرة بتفائــــــــل
كلام عاقـــل من المجنــون
و لـــو عاقــل هتحرمنــــي

يــــا كل الخلــــق بتكـــــلم
و نفسي أشوف بقى قدوة
تمـد الإيـــــــد ما تتألــــــم
و تـــــرسم لي هنــا غنوة
بلحــن الطُهـــر و العفـــة
نصايـــــح تعـــدل الكفـــة
و لــــو راح الجسد منــي
فروحــي باقيــة للإخــوة

نشرت في أوراق ثقافية

-39-


عيب يا واد

إزاي تتجـــــــرأ يـــا واد إنـــت
م البيـــت الأبيــــض بأمريكــــا
بغداد مُش ناقصة يا روح ماما
مافيهاش ستات تشبــه مونيكا

و هارون و أمين و المأمـــون
يجاوبلك و يقــولك دِجلـــــــــة
و في سوق الرجالــــه ملكشي
بجلالتك ما تســاوي الفجلــــة

بتهــدد ميــــن و بتتوعّــــــد
و لا نعرف أصلك من فصلك
علشــــان العرب إللي تآمنك
و بــدم إخواتُهـــم تِتعاصـلك

بتربطع و تزربــــع بيننـــــا
ما يحوشك ولا ردّك بـــــاب
بتهزأ و تمرمـــط فينـــــــــا
و لا نعــرف إيـــه الأسبــاب

ليه نِدي الفُرصة لخواجـات
و نسيب نِسوانهم تُحكمنـــا
أفكارهُــــم مليانــــــة آفـات
بتحرك فينــــا و تُعكمنــــــا

م تقوموا يا خلق بقى و فوقوا
فكــروا في الوحدة الوطنيـــــة
أبحاثـــكم كلهــا مسروقــــــــة
من فيزيا و كيميــــا و نوويــة

نتكتــــــل نحتـــــــل أمريـــــكا
و هنــــــرفع رايـــــــة الإسلام
في البيت الأبيــــض نسبيهـــم
و المجدع يركبلُــــه لجــــــــام

في الحق بعارض مـا سكُتشي
متأكـــد جدا مـــن نصــــــــري
و بغير على دينـــي و أوطاني
من حقي عشان إن أنا مصري

-42-




البيت الأبيض

تتحرش تهوى النســـــوان
و بتحكــم أمريكا كمـــــــــان
البيت الأبيض بقى بــــامبى
و مسخسخ و الريحة تبــان
يــــا كلينتون إتلم شويــــــة
شغلانتــك مهنـــة عيــــــان
و البيت الأبيض مـا هينفــع
في اليوم الأسود يــــا جبان

بهــدلت البيت اللي أساسـه
الحـــق لكــل البشريـــــــــة
نسوان بتساعدك و بتوصـل
للحكم وبزيــادة شويــــــــة

في رقبتــــك دين وجميل ليهـــم
لازم يتـــــــــــــرد بحنيـــــــــــة
و بقيت في القصـــر فلانتينـــــو
م الضهــــر لبعد الفجـريـــــــــة

و جنودك ترحــــل وتسافــــــــر
مصاريفهـــم تبقى على قفانــــا
ماهو إسمك"بل" يعني فاتـورة
حسابـــــــــة بتحسب فجعانــــة
و كليــــــن ملامين بعد غسيلــه
للدم حكومتـــــك عطشانــــــــــة
و التون في الحرب مالوش نغمة
و الدانــــة بتنــــزل صعرانـــــة

عمال بتهيــــــص و تِوالـــــس
و يهود في القدس بتتمخطــــر
و النفق السافـــــل فاحتينــــــه
و في بيت المقدس راح تِسكــر
على حيط المبكى يا نور عيني
و دموعهم نازلة بتتسطــــــــر
و الحقد و غل في مرايرهــــم
و الكُره إللي ماليهم أكتــــــــر

آهو أصلك واطي و بنطاطــي
نستاهـــل بقـــى للي هيحصل
قوموا روحوا نهب و نتجمــع
راح نقطع مـن عنـــد المفصل
و تغـــور أمريكا و حُلفاتهـــا
لبلادها إياك تِوعى مـا تِوصل
و تبطل تهديـدها الفاجـــــــــر
للقدس وبغـداد و الموصـــــل

-45-


العرب عربين


فلح اللي قال كلمته نقسم العرب عربين
لا عُروبة بتلمهم و لا شكل يملى العيــن
و لا نخوة تنفع لهــم و الغرب بيلمهـــم
اتبعزقوا فرافيت يا ريتهــا بقت اتنيــــن


إزاي يهود أو غجر هتصون لديننا السمح
تحمينــا من نفسنــا تدينــا حبـــة قمـــــح
في شمالها غصن زتون و يمينها قتل و شنــق
و كلامها ليه معسول يزقينــا مر و طلــح

ليه نهملك يا تاريخ و إنت تعيد نَفْسَـــكْ
راجــع بشكل جديــد استنى خُـــد نًفَسَكْ
أمريكا ترسم لهــم في كل يــوم دولــــة
صُبح و مِسا بصاروخ نسمع هنا همْسك


إمتى نفـوق يــا عرب ونبطل الشـعارات
و رأى ناس ينسمع و يبقى فيه انتخابات
و كلام رســول الله يهدينــا يرشدنـــــــا
نرجـــع لديــن الله نتعـلــم النفحــــــا ت


-47-


حراس الدرك


يا كل حراس الدرك
بسيوف ورق .
و طابية قش مقششة
مصفوطة شبعانة بقلق
نبابيت حطب مليان عفن
و السوس بينخر في العصب
إزاى هتحموا الأنسجة
يتصان مكان الأنبيا
بسلاح هفق .

كلام مزيف ع الورق
و حروف كتيرة بتنسرق
خُرافات تِلوث فكرنا
تِكسر جميع الأجنحة
و فِكر ملعون يتشنق

يا كل حُراس الدرك
فرض الوصايا هينحرق
و سلاحكوا لازم يتهرى
أو يتفرى
مبدأنا متأسس تقى
إن يوم هاجمنا الأخطبوط
هيلم خيطه في شرنقة
فلِموا كل حروف سلاح الأكمِنة
و هترحموا دماغنا النقى
و توفروا الحِبر و عَرَق

يا كُل حُراس الدرك
لِموا العساكر و الخِيول
ووزير يكش من البلل
و فيل بيشبع م المرق
ملك بيقفل سِكته
يُحفر خنادق مسكته
يشرب مرار ينزف قلق
و مهما طال الإنتظار
لابد من لحظة غرق


نشرت في السياسي المصري عدد 1279

-50-




السلعوة

إيه الجديــــــد في السلعـــوة
إيه يعني كــام بطن اتفتحــــت
موجود خطر أكبـــر جـــــــوّه
في قلوب بشر تـاهت شطحت
تقتـــــــل و تنهب بالقـــــــوة
بقرون بتكسعنــــــا و نطحـت

سلعوة موجـــودة يوماتـــــي
شعارها ست أركان بـارزيــن
و ناس كتيــر قاعدة تهاتـــي
تشجب و تستنـكر ظالميــــن
"نتن" و يمكن صـرماتـــــي
برطوشة و علاجك حجريـن

سلعوة كبرت إتصعـــــرت
عمّالّه تقـــــرم حواليهـــــا
تدنــس الأرض ونقــــــرت
غرض خبيث مرسوم ليهـا
كل الحجارة إللي إتكســرت
لازم هتتحـــدف فيهــــــــــا

سلعوة محميــــة بفيتــــــــو
ترمح و بتعــــــوّر فينـــــــا
يا نجوم وزرقا ليها جريتوا
تهديد و دايـــــر حوالينـــــا
غشم خلاص قـُلنــــا فنيتــــو
و النار هتحــــرق أعادينـــا

سلعوة طمعانـــــة في نيلنــــا
بأي شكــل مـــــن الأشكـــــال
تدور و تبـــــرم تحايلنـــــــــا
و نفسها يبقالهـــــا وصـــــال
قرآنا عاهــــد أناجيلنـــــــــــا
نحمي البلـــد من شـــئ بطال

سلعوة جابت هنـــا عشــــــة
يمكن هتفقس سلعـــــــــوات
طِلعت أهش من القشـــــــــة
فقسنا فيها كتيـــــــر حركات
ناقص بقى نِهش الهَشــــــة
يا تتخمد يا تعيش في سُكات

-53-



الدخانة جت منين ؟!


التلوث شئ خطيــــــــر
و احنا منه بنستجيـــــر
حسبى الله فيكوا مــــرة
و ألف مرة في الكبيــــر

الدخان نازل و طالـــــع
شايل الميكروب وراجع
منتعش و بصحة حلـوة
ما يلاقيش جوانا مانع

الغيطان ســـودة وكئيبـــــــة
و التـــرع زي الزريبـــــــــة
و الخلايــق ماشيــــــة تايهة
قالوا إن الصحــة عيبـــــــــة

مين يولــع في الغيطــــــــان
قلتـــــــوا يمكن أمريكــــــان
أو تحالـــف جــــــاي يخطط
ناوي يسقينــــــا الهــــــوان

و لاّ يمكن عمي هتلـــــــــر؟
جاي بجيشه عشان يدمــّر ؟
يبتـدي بقش الرزايــــــــــــز
بعدها يقعـــد و يسكـــــــــــر

ريحة الدخانــة جيفــــــــــة
شكلها كانت في حيفـــــــــا
واخدة غزة جوّه غــــــــزة
هاربة م القدس الشريفــــة

و لا تنظيمها في قاعــــــدة
هاربة م الأفغان و قاعـــدة
نفسها تشوف " بن لادن"
احتمال طالبة المساعـــــدة

يبقى جايــــة م العــــــراق
هاربة من ضرب الزقــــاق
أصل بوش ناوي يبيــــدها
جاي و حالــــــف بالطلاق

يمكـــن الدخانــــــــــة كــوك
م إللي بيفضوا البنـــــــــــوك
بعدها تخرب و تولـــــــــــــع
و أبقى سلمني الصكــــــــوك

الجميع شايــــف و شامـــــم
و الهباب من فوقنا عايــــــم
و احنا نغطص روحنا تتطلع
و الهموم موزونة قايـــــــم

اللهم ابعدهـــا محنــــــــــــة
إن زعلنا أو فرحنــــــــــــــا
التلوث في النفـــــــــــــوس
التلوث فينـــــا إحنــــــــــــا
أذيعت في الشباب و الرياضة على الهوا من قرية طوخ الأقلام و أذيعت ملحنة بصوت الشاعر في وسط الدلتا
-57-


يمين الله

قلمي بيكتب كلمتــــــــي
صامد و عمره ما انكسر
شاعــــر و بيحب الطرب
عاشق بيسهر للقمـــــــر
إذا تعب القلم منــــــــــي
عودي بيعرف سكتــــــه
دايس وقايس خطوتــــه
و ريشه تعزف ع الوتــر

يمين الله مانـــــــا ساكت
و ناس في القدس تتــألم
إذا خلص الكلام منــــــي
ف طوب الأرض يتكلـــم

-58-





و ليه أسكت و أنا شايـــــــف
وطن عايم في بِركـــــــــة دم
و عضم إخواتنا مطحونــــــة
عيال ترضع في ذل وهـــــــم
و رمل الأرض و حصـــــاها
و شمس بتضوي في سماها
بتحلـف أيمانــــــــــــــات الله
ما ييجي اليــــــوم و هنسلـم

يا نهر النيل ما تسكتشـــــي
و مد الإيــد لخلانــــــــــــــك
هتفرق إيـــــــه في بغــدادك
و نفس الحــال لأسوانــــــك



-59-


وبيت الأقصى يستنجــــــد
و مين يحميه و مين ينجد
يا طوب الأرض يا شــاهد
تفهــم فينـــــــــــــا و تعلم

يا طوب الأرض يـا شارب
دما المساكين و متسمــــّر
هتبقى سلاحي ويايــــــــا
هناخد حقنـــا نعمـــــــــــّر
فراتي و دجلتـي و نيلــي
تشد العزم مـــن جيلـــي
تزيد من قوتي و حيلـــي
نِخَلــي الغازي يتألــــــــم

أذيعت ملحنة في القناة الأولى و السادسة في سهرة رمضانية و إذاعة وسط الدلتا

-60-

فرحتنا الليلة

عاش العــــرب كلهــــــم
و ما عادش فيهــا حـدود
بيخافــــوا على بعضهــم
ما فرقشي بيض أو سُود
و بيحمــوا كل البشـــــــر
و كرامــــة ليها تعــــــود
صانوا الحجر و الشجـــر
مـن حقي أغني بعــــــود

فرحتنـــا الليلة ما تتقــدّر
القدس رجع لنا من تانــي
مين فينــا بيقدر يتصـــور
الغــرب بينــدم و يعانـــي

القــدس بتبلــع في آهاتهـــــــا
أطفــال بترَجّـــع صِحتهـــــــــا
و العرب اتفقــوا في كِلمتهــــا
و تحـرر بغـداد و فُراتهـــــــــا
أمريكا تلملم في جيـوشهـــــــا
بتخاف م العرب إللي تحوشها
من أصغــر دولــة بتلطشهــــا
تِضــرب بالصــوت الحيانــــي

مين يقدر و سلاحنــا حامينـــا
و القمح بيكتــــر فـي إيدينــــا
إن فكّــر مــرة يعادينــــــــــــا
هيلاقــي جيــوش كلها مينــــا

بنقصقص و نتــّف ريشهُــــم
و تحالف محروم من جيشهم
و الخير عندنا يقطع عيشهـُم
أمريكي يجرجـــر بريطانـــي

و بلاقي الغطا عني إتشــــال
رجالــة بتوصفلي الحـــــــال
أتاريــه الحال نفس الحــــال
كان حلــم و أجمل مـــــــوال
شديــت الغطــا نفسي أنـــام
لـــو تطــول حتى الأيـــــــام
مستكتـــر حتــــى الأحــــلام
أصبح متهوم و أبقى الجاني

نشرت في جريدة العروبة


-63-

نشن حجرك

نشن حجرك جــوا المدفـــع
لازم صـــوت العالــم يطلـــع
شعلل غضبك إوهب عمــرك
جمّع شملك إوعاك ترجـــــع

اُصبر جاهــد لازم تصمـــــد
صمم شعلل ليلهــم نـــــــــار
اشرب همـك ابلـع وجعـــــك
عينك يطلع مِنهــا شــــــرار

اهجم دافِـــع و ابنـــي الــدار
نقي الطوب من وسط الرملة
جيشك حجرك يمحي العــــار
سمي و شوط اشعلها دَمـــار

-64-


الواد كريم

الواد كريــم كركـر كرملــــة
بن محمد صبحي الظابــــــط
نفسه في حاجة تِفرّح قلبُـــه
تسعد تنعش قلبــه الشايــــط

شُفتُه و بُوستُه في يوم العيد
مَطفي حزيــــن و الكل سعيد
جيبــه مَلان ولِعَب بالكــــوم
جزمتُه حِلوة و لِبس جديـــد

ليه يا كريــم زعلان من إيــــــه
من أحوالنـا و ذنبــك إيــــــــــه
ضاعت نخــــوة كل ولادنـــــــــا
أعمل إيــــه في ولاد الإيـــــــــه

يضرب رجله في نفس المطرح
صوت الضربة يقول وبيشـــرح
نفسي يا خال ماعرفشي في إيه
نفسي في حاجة تجيلي تفــــرّح

واد يا كريم زعلان في حضانتك
و لاّ المِسْ خطفـت مصاصتــك ؟
كيس الشيبسي يوماتي بيرجــع
فُوقه لِبانْ يرُفــض فرقعتـــــــك

وزن الريشه بقيت يا صغيـــــر
قول ما تخافشي و ربك يُستـــر
إحنـــا كمــان لازم نتغيــــــــــر
ما تسبنيش يا كريــــم متحيــر

أذيعت على الهوا في إذاعة وسط الدلتا في
عيد الفطر1427 هجرية


-67-


طير على أدك

لو هتطير
إوعى تقرب قرص الشمس
طير على أدك
إوعى جناحك يفلت منك
قُرص الشمس يشيط ريشك
شمعك ينزل
ريشك ينزل
تنزل فوق الأرض مكسر
لو على شجرة !!
تقتل كل معاني الحب
كل ورقها هيلعن فيك
طرت لفوق جناحاتك فكت
يرجع جسمك فوق البحر

-68-

يقتل نورس أبيض رايق
يعزف لحن لريحة البحر
أو هيدمر كائن حى
يعيش في الميه
يبقى نصيبك سمكة قرش
جوفها يصير القبر السابح
يمكن حوت أرعن هيطولك
يشرب دمك..يبلع لحمك
لازم تعرف إن الأرض
الغالية علينا
هى الملجأ ..هىّ المرفأ
طير بالقرب لأرض جدودك
لو جناحاتك سابت منك
تنزل سالم حالم غانم
يحضن طين الأرض لجسمك

يحفظ اسمك يسلم رسمك
علشان إنت كمان من طين
حن لأصلك يرجع وصلك
مهما هتِطوَل فينا سنين
أما الشمس بنارها الحامية
اوعى تقرب منها في يوم
تحرق جلدك.. ينشف دمك
تطحن عضمك ترجع تنزل
فوق الأرض هترفض وضعك
عارف ليه
علشان إنت فايتها وكاره
أو تستكبر تقرب منها
عارف ليه
علشان إنت كمان من طين


-70-




البلطجي


مجرم خلاصـة قـوى وتقيــل
ما يهدهوش غير عزرائيـــل
إن شاف فلوس لازم يشيـــل
ماهو أصله واطى و عربجي


بودي جارد إيه عِره و قرَف
ورا ست بتدوس ع الشـرف
كام هــزة تحتــاج للسلــــف
شغلانة عايــزة شمحطجــي

أمــا هــــــــــو الــواد البـُرَم
ما شِبعش من ضرب الصُرَم
يلهــف أُزون لــــو يتخَـــــرَم
مُجــــــرم أراري أونطجـــــي

يبيــــع يتاجــــر في الهـــــوا
تشوفـــــــه لازم تنــــــــزوى
يحــب عيشــة الفهلــــــــــوه
علشانهــا يفضـــل بلطجـــــي

نفسه دنيئــة مــا تِتكســـــف
على حُرمــة النـاس تنكشف
و لأى لــذة بتنجــــــــــــرف
رِمرام في أكلُـــه محشجـــي

روحــه في كفــة يهتهــــا
و دماغ كبيـــــرة يهزهـــا
متسلطنة و ميــن أدهـــــا
تحتاج لمليـــون أمشجــي

حقوقــه خدهــا بالــــدراع
و الكل قال أمرك مطــــاع
دهب فلوس تفضل مشاع
يغرف و يعمل فورمجــي


-73-

ختام

إلى كل إللي بيقرا كلامي
أهديكوا سلام
من واحد من قلب الروضة
و بيشرب من مية ترعة
إللي تشق أراضي الطنابيل
و بتوصل آخر طنبارة
مليانة إزاز و كياس و صفيح
بتعاند في السمك الصاحى
و جميع أنواع السنانير
من واحد لافف أراضيكم
و معلم على شجر التوت
متشعلق فوق الجميزة
اللي تضلل ع الشيخ خطاب
من أرض القطن اللي مِعاند
و يفرح قلب العرسان
من أرض العنب اللي إتقلّع
و ماكانشي هينفع يتقرص
يتخمر لخبيز العيش
من قلبي
أهديكوا سلام.....








-75-

الشاعر في سطور
- السعيد إبراهيم حافظ
- مواليد ديسمبر 1961
-الروضة - السنبلاوين- دقهلية
- حاصل على ليسانس آداب –قسم اللغة الإنجليزية
- دراسات عليا تربية المنصورة
- مدرس أول اللغة الإنجليزية بالمرحلة الثانوية
- مؤسس رابطة الزجالين بالدقهلية
- عضو اتحاد كتاب مصر
- ترجم العديد من الأدب الإنجليزي إلى العربية
- ترجم معظم أعماله إلى الإنجليزية
- نشط المسرح المدرسي بتحويل المناهج الدراسية إلى نصوص مسرحية
- حصل على العديد من الجوائز
- شارك في العديد من الأمسيات و المؤتمرات
- لحن معظم أشعاره و تغنى بها على عوده
Tel :050 6711394 Mob.0124527307
-76-


صدر للشاعر

1- أوقات عصيبة
"شعر مترجم "
2- الكونت دي مونت كريستو
"شعر مترجم"
3- كلام فاضي " زجل"
4- حماريات "شعر"
5- المجربات في التداوي بالبهارات
"طب أعشاب"
6- رباعيات
"شعر عربي & إنجليزي
7-عمك شنطح " شعر"

-77-


تحت الطبع
1- كلام مجنون
"شعر"
2- دنيا الحمير
"مسرحية شعرية"
3-مين الحمار
" زجل"
4-المجربات
"الجزء الثاني "
5-فوازير
"شعر للأطفال"


-78-



الفهرس
م- القصيدة الصفحة
1 - الإهداء ................................. 3
2 - عمك شنطح............................. 4
3 - يا قدسنا ................................. 6
4- يا ولاد بلدنا ............................ 8
5- الشهيد .................................. 10
6- يا عراقي .............................. 12
7- حمامة السلام ......................... 14
8- اليو إن ................................ 16
9- فرقع بمب ........................... 18
10- و لا يمسح دموعك ............. 20
11-المرايا الخارسة .................. 22
12- الليل ............................. 25
13- ابن الدايرة ...................... 28
14- استنساخ ......................... 30
15- رعنان لوري .................. 32
16- اتنين في واحد ................ 34

-79-


م القصيدة الصفحة
17- مش هاسكت.............................. 37
18- عيب يا واد .............................. 40
19- البيت الأبيض ........................... 43
20- العرب عربين ............................ 46
21- حراس الدرك ............................ 48
22-السلعوة .................................... 51
23-الدخانة جت منين ........................ 54
24- يمين الله .................................. 58
25- فرحتنا الليلة ............................ 61
26- نشن حجرك ........................... 64
27-الواد كريم .............................. 65
28- طير على أدك ........................ 68
29- البلطجي .............................. 71
30- ختام .................................. 74

رقم الإيداع بدار الكتب: 3582/2007
الترقيم الدولي I.S.B.N 977-17-4361-9

-80-

رباعيات عربي إنجليزي

بتزنِي تِوني في وِدني

طَمعانَة في نُقطةْ دَمْ

ياهي داهيَه تِغُم مَنافْسِك

والنُقطة تِجيلك سَمْ

فَكراني هَكوُنلِك صِيدَه

والشمْل يقوُم يتلَم

لأ بُعدِك ياختى سَعيده

دا بِقُربِك ييجى الغَمْ

-20-



A mosquito used to buzz and hum .

You wish to get a drop of blood .

But I answered as if I were a dumb

Then you'll have poison and mud .

You told me I was an easy hunt .

You'll have me and win your action

I don't need you. No , no I can't .

If you're near , that's affliction .

-21-


ضِحك الجَبَلْ مِن فوُق

و قال مفيش أَدُهْ


رَملْ و زَلَط حَواليه

تِنسى العِقوُل عَدُه

بُرْكان بَسيط جِواه

قام كَسرُه و هَدُه

بقى زي رمل و زلَط

ينداسْ على خَدُه

-22-


The mountain laughed and he's high

He told us that he is the best .

Near his feat , the sand will die,

Uncounted pebbles will take a rest.

Inside him , there was a quake

To cause ruin and destruction .

Like the pebbles , what'll make.

It is stamped with affliction .

-23-



ياللي مِعاكْ وردِتَكْ

حِلوة وتِملي العين

تِدهَسها ليه جَزْمِتك

تِرميها ليه في الطِينْ

بَصيت لِوَردْ الناس

و جَمالُه يحلالَكْ

هىّ دناوِة نِفس

وَلاّ فراغِة عينْ

-24-



If you have your own rose,

And its beauty pleases your eye;

Don't tread it . What is the cause?

Don't throw it and say good bye.

Why do you gaze at the others' !!

Their look seems nice and various Did your meanness have its powers

or are you greedy and covetous ?

-25-


تِخاف مِ الضَلمَة ليه

لو كَانْ مِعاك مِصْباح

شُعاعْ بَسيطْ تِلاقيه

يرَجّعْ إللي راح

تُشقْ عَتْمِة ليل

يِمكِنْ تداوى جِراحْ

و مَهما طَال الليل

لازِم ْيبان لُه صَباحْ

-26-


Don't worry in the darkness

If you have clear light .

A plain beam isn't less

With it you can get your right.

You can erase what was wrong

and heal all your wounds .

Whatever the night is very long ,

The sun returns and tends .

-27-


ابني الصُغير بكى

نِفسُه يجيب كُورَة

في الصَالَة يلعَبْ بقى

ويقِبْ في الصُورة

شاط الوَلَدْ شُوطَة

خَبطتنى في الأُورة

كَسَرْ لي نَضَارْتي

وركنتها عُورَة

-28-




My little child cried and crept

because he wanted to buy a ball.

He jumped sharply and slept

Making noise in the hall .

He threw the ball scoring a goal

to get me in my forehead

Breaking glasses beside the wall ,

Leaving them one-eyed and red .

-29-


صُرصَارْ يلَعَبْ شنب

سَاكِن في بلاعَة

إِتربى فِيها وِكِبر

ما خَرجش ولا سَاعَة

خَرجْ ضَعيف مُنكَسِر

و الكبت شماعة

إ ِتصاد في لَمْح البَصَرْ

والدُنيا وَقاعَة

-30-


A cockroach moved his whisker

and he lived in a sink hole .

He was brought up on the nectar,

He stayed indoors behind the wall .

He went out feeble and weak

because he's got a lot of repression.

He was hunted without leak

and that's the end of depression .

-31-


كان عندي كَلبة شَقيِة

وِ جاري عندُه كلب

الكلبة حِلوَة و عَفية

و الكلب أَجْرَبْ مِدَبْ

حاوِلت أفرّق مَا بينهُم

أشِنْ بينهُم حَربْ

لافَتْ عليه الغَبِية

الخاينه بِنت ال......

-32-



I had a naughty dog .

She was in a good health.

Another dog has fog ;

He loved her for wealth .

I disunited them

to make a great war .

But she went to him

to make unfaithful tour.

-33-


عَصفوُر مِلوّن بَاضْ

كام بيضة لِيها اِحتار

مارْضِيشْ ينام عَ البيض

تِصبَح وِلادُه كِتارْ

رافِض يعيش في القَفَصْ

بلْكَمْ .. دِنيبَة .. مَحارْ

شافْ الحَياة في القَفَصْ

ذُل وِ مَهانة و ِعَار

-34-


A sunbird laid a lot of eggs .

She was embarrassed and confused.

She claws the cage and digs .

The eggs will hatch ; she refused

to live in a certain bird-cage .

She thought that dishonor lied ,

and she had come of age .

So , she didn't eat inside .

-35-

وِقِفْ الغُراب عَ الشَجَر

يُطلُب في وِد يَمام

عقلُه و قلبُه انفَطَر

مِن قسوِة الأيام

رَد ْاليمام اخْتِشي

فُضّك مِن الأحلام

و خَللِي عَندَك نظر !!

وِ بَلاش كِتير أوهام

-36-


A crow spent his time on a tree

because he yearned for a dove .

His heart searched for a lee ;

He missed affection and love .

The dove replied " Go away "

Leave the dreams and forget .

Think clearly before you say .

It's a fancy , you can't get it .

-37-


البيضة لَو مَشِشت

تِطلَع تِقب ِلفوُق

مِن جِوّه رِيحةْ عَفَنْ

لَكِن بقالْهَا حِقوُق

إيه الغَريب يا زَمَنْ !!

و المَيه غَلْيانْه

لاجْل الصَفارْ يستِوى

نِشبَع بَقى وِنْدوُق

-38-


If the egg is rotten ,

It will float on water .

The putridity would be fallen

but it became a good scorer.

What strange days are !!

To get water… to boil it,

To cook the yolk in the jar ;

To be satisfied and fit .

-39-


مُمُكِن أكوُن طَرْطوُر

وِ بِزرْ يملى العِينْ

أكْبِس في راسْ النَاس

أنزِل على الوِدْنين

أَحَسنْ لي أكوُن طَرْطوُر

ولاَ أكوُنشى شُخْشِيخَة

تِرمِيها إِيدْ الناس

تِدهَسها بِالرِجْلينْ

-40-




I may be a high pointed cap ,

And it has a very long tassel .

On the heads , I'll be hap

to press the ears and hustle .

It's better to be a high cap

and I refuse to be a tingle

Which people throw and snap

because they stamp on the jingle.

-41-

يا دُودَة جِوّه الشَرْنَقة

تِستنى لَحْظِة موُت

غَزَلوُا خُيوطِك مَشنقة

و قَالوُا لي سِحْر هَاروت

تِنهى الحَياة غَازْلة الكَفَنْ

وِرِضيتي ليه بِسِكوُت

في دَاهية رُوحي مَا تِرجَعي

مَدام قِبلتي تابُوت

-42-

The larva was in the cocoon

and she's waiting for her death .

Her scaffold is sewed a boon ,

and imitated an old myth.

She sewed coffin for her end

and decided to have a basket .

"Go to hell " she will intend

and agree with her casket .

-43-


هِرِب الخرُوف عَ الجَبل

مَرعُوب مَلاه الخُوف

سألتُه عَ إللي جَرى

رَدْ الجَدَع مَكْسوُف

بيقفَشوا فِي جِمَال

لازِم هَيخدوُني

قُوم رُوحْ بَقى وِ حِلِني

عَلى مَ أثبِتْ إني خَرُوف

-44-



A ram ran away to the mountain

and escaped without good-bye .

He was under a lot of strain ;

So his answer was very shy .

"They are catching a lot of camels,

they will catch me with a slam .

I'll spend years in the tunnels

to prove that I'm a ram .

-45-


صَرخت صَرخة ألم

في الليل بتوجَعْني

رَدْ الصَدى تَعْبان

ماقِدرش يسمَعْني

بَدّلتْ صرخي بُكى

أكتِمْ في أنفاسِي

ما لَقيتْشي كِلمِة رِضا

ولا حَدْ يسْمَعني

-46-


I screamed and my cry was painful .

At night , my shout became an ache

The echo said ; it was very hateful.

It can't hear me so as to shake .

My shriek became lamentation

but I tried to hold my breath;

and I suffered from isolation .

So , weeping became my wealth .

-47-


حَبايبي دَايما كِدَه

فاكريني في الأزْمَة

لو شَافوُا ساعِة رِضا

مَاليش أنا لازمة

إن ضَاقَت المسألَة

يِجرُوا على بابي

إذا خِلْصِتْ المَصْلَحة

يِدوُني بالجَزْمة ...

-48-



My friends made a certain base .

They remember me in the crisis .

If they are happy in that case ,

The forget all my trices .

If they are in bad trouble,

They will ask for my clue .

When they are able to shuffle ,

I'll be punished with a shoe .

-49-

تِعبان كَمشْ وإِتلوى

مِ البَرْد مين يِحْميك

شُفتك في يُوم بردان

جيبي آهو يدفيك

حَسيتْ بِِلحظة دَفا

عَضْعَضتْ بِسنانَك !!

عَجبي عَليك خَوّان

و الخِير ما يِطْمر فِيك

-50-


A serpent bent and wrinkled .

No one saved him from coldness .

So he trembled and tinkled .

In my pocket ,he can see boldness.

In the warmth ,he was a germ .

He bit my body to poison it .

His betrayal got its term

to kill the goodness and forget .

-51-


الدُنيا لو ضَلِمِتْ

تِكتر قوى الخَفافِيش

تِطير هِنا و هِناك

مَع إن مَلهاشْ ريش

ضي القَمر تِحويه

فرْحانَة لِيلها طَويل

و مِسيرها نُور شَمسِنا

تِقفل عَليها الشِيش

-52-



When it becomes dark ,

The bats gather together .

They fly and arch

Though they get no feather .

So , they love moonlight

and they often have fun .

The bats lost their sight ;

They often fear the sun .

-53-

حَبيبي دايما يتعبني

أشوُفه أمْسِك في خِناقُه

هاجِرني بَهدّلْ أحوالي

و حُبي مَا عِرفشي مَداقُه

غَلاوتُه زادِت ويايا

و مهما تِبعد أشوَاقُه

لو حتى طَوِل في عِنادُه

دا القُط يعْشَق خنَاقُه

-54-

My lover always tires me

When I see him I must fight .

He deserted me not to see

My sincerity and delight .

The yearning desire had increased

Even though he went to a harbor

Even if his feeling creased .

The cat must love his strangler

--55-



صُرصَار زَعَق في الليل

قَصدُه يصحي الناس

هيشيل هِموُمنا شيل

أصْلُه ملان إحساس

خَرجتْ أشوُف الجَدَع

يمْكِن يعلي أساس

سِمِعت صُوت فرقَعةْ

أتارِيه بِكَعبي إنداس

-56-

Once , a cricket cried at night .

He'd like to awake the nation .

Our troubles will be all right

As his sense removes frustration .

I went out to see its sight ;

He may establish the foundation .

The sound of crack was fright .

Under the heel , he got lamentation .

-57-

المُوجة عِليت طَرطَشِت

على كَام حَجَرْ صَوّان

يضحك يقول الحجر

عُمرَك يا مُوج خوّان

و مهما تِعلى لِفوق

هَقطُم رِقبتك تَحتْ

تِطاطي تحت القدَم

هَفضَل أنا الكَسْبان

-58-

The waves were high and splashed

on the beaches and stones .

The stone laughed and flashed

"as dishonesty is in your bones ."

"Whatever you do and go up ,

I'll get you and cut your neck ."

"Under the feet , you'll take a sup ,

I beat you and give you a kick ."

-59-

أنا لمّا أقوُل الآه

ألاقي الآه بتوجعني

لو قُلت أروُح لِبعيد

ألاقي الآه تِرجّعني

و لما تِحلى الآه

ألاقي الناس بتمنعني

يا رَب دِِيم الآه

و لا يُوم تِوَدعني

-60-


When I utter the word groan ,

I feel it sharply in my heart .

Everywhere I go I find moan

To return back with its art .

If the murmur is my ease ,

People will refuse and fret .

I wish the groan would increase

to stay with me and can't forget .

-61-

يا مِسَرَّح ْحاجبك بالفُرشه

و مِلزّق شنبك فُوزلين

و مِصَلّح بُوتك في الورشة

و مركب نور في الجنبين

عُقبال ما تِرَكَبْ لُه العفشة

و تطَلّع رُخصة وِ تأمين

تِفرش و تِنجد لُه الفرشة

و كلاكس يقُولك توتين

-62-


You combed your brow with a hair brush

and covered your moustache with vasline .

From the workshop you always rush,

On your boots ,two lights will be seen
I wish you get an engine with wheels .
I hope you get a license and insurance;

Furnish them with upholstery from heels
and klaxon to assure your endurance.

-63-


يا قُطة إف يُو بِليز مَرّة

أدخُل ألاقي سِريري فاضي

نسياني ليه كِدا بالمَرّة

و حِلِفت راح أقوُل للقاضي

تِنامي جِوّه و أنام بَرّه

رَاضي بِحالي كَلام فاضي

وَخداني ليه في البيت ضُرّه

نِفسي أجيب لِك سيف ماضي

-64-


If you please my little cat ,

Why had you deserted my bed ?

You forgot to give me a pat

and to the judge I must shed .

Why am I kept out of doors .

You are inside , this is nonsense .

In the house I get your roars .

So , the sword will be my license .

-65-

صَعب التفاهُم بيننا

مِشْ قادِر أطْلَعْ لِيك

رافِض نِزُولَك ليا

عَملت إيه يأذيك

نِفسي التَفاهُم يقرَب

و أحْصُل على تقاويك

و أجيب بذورَك يوم

نِوصَل بقى لِمعاليك

-66-

Awarness isn't easy between us

to ascend to your place .

You refuse to give me plus ,

What did I do to hurt your face ?

I wish sensation to be near

and be able to know your gensis .

Your formation will be my dear !

So I can get your lenses .

-67-

الأَرضْ ناشْفة مِشقَقة

ما يُوم هتِشبع مِ المطر

و الوِدْن واقفة مِطرطَأه

ما يوم هتِشبع مِن خَبر

و العِين بِتفتح جَفنِها

ما يُوم هتشبع مِن نَظر

و الأُنثى مَهما تِروح بِعيد

ما يوُم هتِشبَع مِ الدَكَرْ

-68-

The earth is dry and cleaved .

Hence , the rain can't saturate .

The car is ready and believed

a lot of news can't satiate .

The eye prepared itself an lid ,

Seeing things can't impregnate .

Whatever female went and hid ,

She needs the male to meet her fate .

-69-

الفار مِتنَح وِقفْ

زي إللي صَابُه جِنان

رَقَصْ بِديلُه وِ لَفْ

حَرّك رِموُشُه كَمان

القُط يملاه خُوف

يهرب يشوُف لُُه مَكان

يجرى وَراه الفار

تُحكم بإيه يا زَمان

-70-

The rat stood up and resisted

as if it were a maniac one .

It danced lovely and insisted

Moving lashes to make fun .

The cat was alarmed and ran away

to seek for a hiding to stay in .

The rat ran after to make it lay ,

Life is odd and we live in din .

-71-

يا رَيتني طِفل رَضيع

تَشيليه عَلى صَدْرِك

كام بُوسة عَ الخَد دَه

و التاني فِيه أَمرِك

أشرب مَحْبَة وِشُوق

أَرْضَع بَقيِتْ عُمْرِك

لكن نصيبي كِدا

يحلالي فِيه مُرِك

-72-

I wish I were an infant

to be carried on your chest .

You kiss my cheek and grant

the other cheek to have rest .

I'll be able to suckle your age

and drink your tenderness .

But my fate makes my rage

to accept your bitterness .

-73-


زَهقان يا ابن الغَني

و فُلوسكُوا بِالبَلاليص

زَعلان نِسيت المَرَح

نِفْسَك في مَرّة تِهيص

وَصَفوُا قَميصْ فَرْحَان

تِلبس وِ يسعد فِيكْ

فَجْأة لَقيتوُا الجَدَعْ

لَكِنْ مَالوُهشي قَميص

-74-

A rich man's son was very weary

Even though he had a lot of money.

He left any fun; his eyes were teary.

He wished to be witty and so funny .

A happy man's shirt was recommended

To make the son glad ,they assert .

A glad one came .so, he was demanded

but he has never got any shirt .

-75-

عَلِمِتني الناس أنافِق

وأَكْرَه الناس إللي حَبِت

قالوا ماشي و قُلت أوَافِق

وِقْعِت الرِجْل اللي طَبِت

نَصَبوُا خَيّة و حَبْل عافِق

نَشّفوا العوُد اللي نبّت

خَفْ عُودي فِي المَرافِق

ويّا رِيح قامِتْ وِ هَبِت

-76-


People taught me to be hypocrite

and detest mankind who like .

They carry on and I admit .

So, I tumbled off my bike .

They put up a trap for me

and exhausted my thin figure .

All pathways fatigued my knee

And the winds blew more bigger .

-77-

طُيور و جَارحَة طارِت

بِتشكّل ليه فَريقْ

مَخَالِب نازلة تِنبِش

ما يلْزَمهاش بَريق

ما تِفرِقشي الفَريسة

جَبانْ.. خَاين..بَرئ

إن كان الجِسم طَاهِر

أو كَانْ قاطِع ْطَريق

-78-

Savage birds flew in the sky .

They circle in the air forming team .

Claws snatch in order to fly .

They don't ask for any beam .

There is no difference in the prey

If it is coward , faithless or pure .

The body is clean ,white or grey .

To house-breaker , they have cure .

-79-

يا مِرَوّجين إشاعات

الوَقت إيه الأخبار

طِلِع الجَمَل ع النخلة

علشان هياكُل فار ؟

خللوا الكَلام مَعقوُل

و سَاوُا كِدبتكُم

النَملة وِلدت فِيل

إزاي هَيبقى حمَار ؟

-80-


You spread rumor and false things .

Try to tell me what's the last news ?

A camel climbs a tree with many rings

To eat a rat keeping its fuse .

Settle down words in the right place .

Equal what you say to believe you .

The ant bore an elephant in a fast race,

How to be a donkey . What shall I do ?


-81-

جِبال الكُحْل إن كِترِت

هَتفنيها رِموُش الناس

تِلال المال إذا عِلْيت

هيفنيها زَمَنْ مَكنوُن

رِمال الحُزن لو هَاجِت

تِسكتها دِموُع الناس

و مهما تِعيش في أيامَك

هيفنيها إله الكُون

-82-

If kohl mountains become more

Eyes with their lids will put an end .

When money grows up making shore

A hidden fate will come to rend .

If sorrow boils over in chests

People's tears will give a hand .

Whatever you live and get rests

You will be put inside the land .

-83-

يا عَم ْبَطّل دَقدَقة

و كفاية دَق حرام

مُسمار ضَعيف انتني

مِن قَسوة الأيام

السِن فيه إتقطم

مَدْفوُن في مِحْرابُه

ما عَدشِ رَاس تِحتمَل

دابِت مَعَ الأحلام

-84-

Oh !Please cancel hammering

and stop making percussion .

A frail nail was shaped a ring ,

Days have no any discussion ,

The sharp start was deflected .

It was buried for worship .

The head was weak to be selected

and it melted in the trip .

-85-

الواد حَماده رِجع

يا دُوب لَهَفْ شَمة

بَحْلَق في خالُه و قال

شرّفتي يا عَمّه

مبروُك عليكِ الشَنب

و الطرحة و الفُستان

يا رب أشوفِك كِدا

في الكُوشة و اللّمة

-86-

Little " Hamada " on ankle

Speedily got a sniff .

He looked at his uncle ,

his aunt or what if ?

Bless for the moustache ,

Mantilla and dress .

I wish you have a flesh"

For wedding in the press ."

-87-

الشَمعة سَال دَمْعَها

تايهة في دوّامَة

تِنزِف وتِبكي ألم

لِنهاية و قِيامَة

هوّ كِدا طَبْعَها

عَلشَان م تِسعِدْنا

تُبقَى الضَحية لِنا

تِنزِف كِتير يَامَا

-88-


The candle melted its wax

and puzzled in a maze .

It cried so as to relax ,

To its end , it will gaze .

This is the moral and nature

to please us and delight .

To be the victim in the creature ,

It is burnt to give light .

-89-

يا حِلْم بُكرَه إللي اتخَنَق

مَع شَمْس تِلْسَع في النَهارْ

عُمْرَك ما خُفتْ مِن الغَرَق

سِيرتك بتنْعِش كُل دَار

رُوحَك تمللي بتِتْسَرَق

مليان عَرَق ولا نِفْتَرق

تايه وغَرقان في القَلَق

عاشِق وِبِتحِب العَمَار

-90-

You are my dream which is suffocated

and the sun stings in the day time .

You set up boldness and originated .

You perfume every house with lime .

Always your soul has to be robbed .

You often work hard not to be far .

I found you restless and bobbed .

You are a lover who rejects to mar .


-91-

إنسان ضَعيف مُنْكَسِر

أنا مُش نبي مِن فُوق

مِستغربين دَمعِتي

يملاها حُب وِشُوق ؟

و عَندي قلب كِبير

بيحِبْ كُل الناس

و إللي يهز البَشَر

بِيهزني بِالزُوق

-92-

I'm very humble and a human

not a messenger or a prophet .

An odd tear from a weak man

will love more and affect .

I have a big affectionate heart

That grasp all in its veins .

What moves people by any art ,

Can affect me making pains .

-93-

قلَمي بيكتب كِلمِتي

صَامِد و عُمره ما انكَسَر

شاعِر و بيحب الطَرَبْ

عاشِق بيسهر لِلقَمر

إذا تِعب القلم مِني

عُودي بيعرف سِكِتُه

دايس و قَايس خَطْوِتُه

و ريشه تِكتِب عَ الوَتر

-94-

My pen writes all my words .

It's very serious at night and noon .

I'm the poet who loves cords ,

Lover who stays to get the moon .

If my pen is tired of remarks ,

My lute knows its way and mine .

My tune stamps to measure its marks

And the feather writes on the line .

-95-

الدُنيا زى الحُمَارَة

تِركبها تِملك لِجامْهَا

عَلشان ما تِرمَح بيك

رِجليك بتضْرَب جِنابْهَا

واذا رِكبِتَك هىّ

حَوافِرها تِدْهَس فيك

و تُبقى لِيها الضَحيّة

و الناس هيكْتَر كَلامها

-96-

Life is similar to the donkey .

To get the saddle ,you ride well .

To gallop fast , get its fun key .

Beat its sides but don't fell .

If it rode you and acquired ,

the hooves run over and crush .

You will be the victim and tired ,

People's words are quickly rush .

-97-

المُوجة بتجري ورا المُوجة

تِكسر رَقبتها وِ بتعَوّر

تِهجِم و تِسابق و بتجري

تِطول..تِتربع..تِتدوّر

بتشيل أوهامها و أوجَاعها

بتسابق زَمن المَجهوُل

مَغرورة المُوجة بِجبرُوتْها

على أقْرَب شَطْ بتتكَسّر

-98-

The undulation runs after undulation ,

It hurts and breaks its neck .

It competes and races for duration .

It alters shape to make a check .

It carries fatigue and tiredness

so as to run fast in dead future .

Arrogance came from haughtiness ,

The nearest beach causes fracture .

-99-

يا مزَخرفين القُبور

ريحة عَفَنْ فاحِت

ياما نِفوُس إتهرِت

تَحْت التُراب ماتِت

و العَاقِل اللي صَبَرْ

و الدُنيا طَلَقْها

و القبر راح جهزُه

لَكِنُه فيه فاحِتْ

-100-

You decorated the high graves

but the smell is very bad .

To our souls , death has waves

To bring dust , so the body had .

The winner got so much tolerance

and has deserted all meanness .

For his tomb , he would lance ,

And dig deeply without laziness .

-101-

ياى ياى ارحمنا يا عمو

نزِل " توتي " هتِحبس دمُه

و برستيجي اتهز خلاص

دمّك يُلطُش ياختي يا سِمُه

عيب بقى نزِل إِنت يا كُخه

و بصبعينك ناوى تِلِمُه ؟

يَعني الواد كان ناقِص بانجو ؟

و بمنخورك ناوى تِشِمُه ؟

-102-

Oh please !Show humility .

Give up " Tooty" let him go .

My station needs ability

You are useless , bad and low .

Let him here ,don't be bad .

Get your fingers, hence ,he goes .

With your "Bango" you are mad

Leave my "Tooty" from you nose .

-103-

هَموُش بيمنع سِكِتي

يهجم بطَبْل و جَرَس

و بيعملوا كردوُن

و كُله واقِف حَرَس

مِن نَشّة واحدة بيختفي

ما يبقلوش تأثير

دِبان بيُقرُص خيل

و بَرضُه يفضْل فَرس


-104-



Little insects raised objection .

They attacked using bells .

They built walls with prediction

Making guards with heavy shells .

I put a hand in due course ,

They disappeared and scattered .

Flies sting a brave horse ,

And the racer will be uttered .

-105-

دخل الجامِع برّق عينه

يُقعد ليه جَنْب المَداسات

لاهو مِتوضي و لا بِيصلي

و لا يِعرف عَدد الرَكْعات

قُلت أكيد حَارِس لِجزمْنا

أو مُتخصص في المقاسات

يِطلع مُدمن غاوي عَفانه

مُغرم قوي شَم الشَرابات

-106-

In the mosque ,his eye had pollution

and sat down beside our shoes .

He didn't pray or have ablution .

He didn't know the number of bows .

He might guard shoes and brightness

or be itemized in our hoses .

He was addicted for dirtiness

and fond of smelling his doses .

-107-

الشاعر في سطور
- السعيد إبراهيم حافظ
- مواليد ديسمبر 1961
-الروضة - السنبلاوين- دقهلية
- حاصل على ليسانس آداب –قسم اللغة الإنجليزية
- دراسات عليا تربية المنصورة
- مدرس أول اللغة الإنجليزية بالمرحلة الثانوية
- مؤسس رابطة الزجالين بالدقهلية
- عضو اتحاد كتاب مصر
- ترجم العديد من الأدب الإنجليزي إلى العربية
- ترجم معظم أعماله إلى الإنجليزية
- نشط المسرح المدرسي بتحويل المناهج الدراسية
إلى نصوص مسرحية
- حصل على العديد من الجوائز
- شارك في العديد من الأمسيات و المؤتمرات
- لحن معظم أشعاره و تغنى بها على عوده
Tel :050 6711394 Mob. 0124527307

-108-


صدر للشاعر
1- أوقات عصيبة
"شعر مترجم "
2- الكونت دي مونت كريستو
"شعر مترجم"
3- كلام فاضي " زجل"
4- حماريات "شعر"
5- المجربات في التداوي بالبهارات
"طب أعشاب"
6- رباعيات
"شعر عربي & إنجليزي


-109-







تحت الطبع
1- كلام مجنون "شعر"
2- دنيا الحمير "مسرحية شعرية"
3-مين الحمار " زجل"
4-المجربات "الجزء الثاني "
5-فوازير "شعر للأطفال"
6-عمك شنطح "شعر"
























رقم الإيداع بدار الكتب :3581 /2007
الترقيم الدولي I.S.B.N
977-17-4360-0

رباعيات عربي إنجليزي

رباعيات


السعيد حافظ


عربي & إنجليزي








الطبعة الأولى
حقوق الطبع محفوظة


I write my poetry Arabic English.

Try to read it and be happy .

My troubles will meet and mesh

and my smiles will be chubby .

I translated all my verse

to express my own views .

Don't pay for them any pence .

Two languages wanted to fuse .


-3-

عربي إنجليزي أنا هكتبها

أتمنى تقراها تِفرفَشْ

هِموم كِتيَرة تِكونْ فيها

و الضِحكََة جِواهَا هَبَوشْ

يمْكِنْ تِعبّرْ عن رأي

هَكتِبْ أترجَمْ رُباعِياتْ

إتنين في واحِدْ وَفْر كِتيرْ

إن شالله بقى حَدْ ما حَوّش

-4-




A sheatfish told his son
to follow him and eat .

He warned him with a fun

with bait not to meet .

A fishing-net was sent

to catch all of them .

The fish cried in the net:

"Our leader is fool and dim ."
-5-




قرموُطْ يقول لِلسَمكْ

إمشي وَرايا وِكُلْ

قال لابنه راحْ أعِلمَكْ

لِلطُعمُ إوعَى تِطُل

و فَجأة فُوقهم شبَكْ

مُصِيبة جَت عَ الكُل

زَعَقْ السَمَك في الشبَكْ

طِلع كِبيرنْا دُهُل

-6-



I got mediation seeds

so as to grow the land .

I want to get the deeds

to keep them in the hand .

I don't need to moan

if I served the young .

I must repay the loan ,

Bad seed is a wrong rung .

-7-


أنا جبت لِب الكُوسَة

و حِلفتْ أخضّر غيطْ

عَ الكُل هَبْعَتْ بُوسَة

وأعمِل أبو النُطْيطْ

أخدِم ريحة الحبايب

و يذيعْ ما بينْهُم سِيط

شَرِيتْ الِلب مَقلى

وطِلِعتْ أنا إللي عَبيطْ


-8-


The doves laid on the wedge .

The lion was afraid of the cat .

The raven sang on the bridge ,

and the bulbul's chant was mat

Honest is easy and firm

to find the wolf a herder of sheep.

The white egret befriended the worm

and peace was settled and deep

-9-

باضْ الحَمَامْ عَ الوَتَدْ

و القُط ذل الأسَدْ

غنى الغُراب مَوال

مَغْنى البَلابل نَكدْ

و الدِيب بيرْعى الغَنمْ

حُبْ الأمانة إتوَجَدْ

و الدُودْ لأبو قِردانْ

في سَلام يعيش لِلأبَدْ

-10-

Oh dog: Who gave you a bone ?

What do you need and intend ?

Your deficiency had come on

And taught you to harm a friend .

If you see a lot of bones ,

you will run to move your tail .

The cat will prison you in cones .

You become low and may fail .

-11-


يا كَلب مين مَسكَكْ

عَضمة بتِشفي غليلْ

نَقْصَكْ كَمان عَلِمَك

أول مَا تِأذى خليل

إن شُفتْ عَضمْ كِتير

تجري تِهز الدْيل

للقُط تُبقى أجيرْ

تُبقى لِعضمة ذَليلْ

-12-



You are a cat not a kitten

Who dandled you at the house
Now, your politeness is written

and you got disgrace by a mouse .

Where is the dog to curb you ?

Try to know you are the cat

and be careful when you do .

You are cursed because of the rat .

-13-


يا قُطة مين قَطقطِك

و مِدلَعِك في الدار

الوَقت فار أدِبك

جِبتيلنا ليه العارْ

الكَلب فين يُشْكُمِك

يكويك يوم بالنار

و الكُل قام يلعَنِكْ

عَلَشانْ صَاحبتى الفار

-14-


The white ass is hard to please .

He stood up and forgot the fears .

He moved eye brows to tease .

No wonder if he breaks up the ears.

He wanted to work in a big trough.

Among the asses , he'll be bold .

He will be a donkey , that's enough

and will be formed in a big mould .

-15-


الجَحشْ لَبْيَضْ وِقف

مَبسوُط بيتعاجِب

طَرطأ وِدانُه لِفوق

بيحرَكْ الحَاجِب

مَدود كِبير يشغِلُه

لِجحُوش كتير غالِب

بُكْرَه هَيُبقى حِمارْ

يتْصَب في القالِب

-16-



The donkey shouted at the lion

as if he were a true fool .

He hoofed the ground as a coin

and dusted the lion with a pool .

The donkey cried and brayed

and plucked out as a turkey .

He continued and played

forgetting that he was a donkey.

-17-


شَخَطْ الحِمارْ في الأسَد

و عَقلُه مِنُه طار

ضَرَبْ بحَافرُه الأرض

عَفّر عليه بغُبار

بِصوُتُه زعّق نَهَقْ

خلاّه يشعلَل نار

ساق الحُمار فيها

و ناسى إنه حمار

-18-