أكلة و الوداع :
من ديوان كلام فاضى : السعيد حافظ : طبعة 1995
رحت زرت الحاتى مرة نفسى تطلب
ليه كباب
قلت أدوق الأكل بره لو هتقلب
بالهباب
المهم الأكل جانى قمت أشمر فى
الكمام
مش ضرورى البيت يعانى حاجة
فوق راس المدام
لقمة تطلع لقمة تنزل و
الطحينة مع السلاطة
فجأة أشوف القطة تهبل تحت
رجليا ببساطة
قمت رامى ليها حتة فيها عضمة
تعض فيها
شفت داخل خمسة ستة نونوا
اتلموا عليها
شئ بسيط الحاتى يحضر يخرج
الجيش ده وراه
و القطط فيها يجرجر راح صبيه
يشيل معاه
احتمال يكرم ضيوفه فى القطط
ياخد ثواب
بعد شهر الحلو أشوفه أكله يا
دوب للكلاب
شمع أحمر فى محله و القضايا
فى المحاكم
كفته, لحمة, الأكل كله فى
القطط و الله عاكم
قمت فاقع ضحكة قايل القطط دى
هبله ليه
قط ياكل قط مايل ليه يمصمص
فيه عنيه ؟
زبون رغم أنفه :ديوان كلام فاضى : السعيد حافظ
آه يانا يا كسوفى و يا مصيبتى
و الناس راحة جاية بتتبصص
دكانــــك جدرانــــه بترشــــح
و الريحة بتنفـــخ و تمغــص
بتلف الفوطــــــة على رقبتى
و ماسك لى مقصك و تقصقص
الشعرة الناعمة بتقلعهـــــــــا
و المشط فـــى إيدك يتلصص
و مواسك تلمــــــة و تعبانى
شغالة تجــــــــرح و تهيص
و الفتلة بتلسع آه يانــــــــى
فى الجلد و فى الشعر تملص
و مرايتك و حشة و مطفية
أكرملى أتسحب و أتملــص
و رقبتى فى إيـــدك متنيـــة
و الكرسى مفكك و معصعص
بتلف ورايا و حواليــــــــــــا
فى شفايفك عمال بتمصمص
و فى سيرة الخلق ما ترحمشى
عمال بتقشـــــــــر و تفصص
على كرسى أنا صابر مستنى
أكرملى أتنيل و أتقرفـــــــــص
أنا توبت إرحمنى أنا فى عرضك
ع الكرسى أنا بصرخ و برفص
لانا قادر أقوم ولا بتحـــــــــرك
و لا قادر أبص و لا أتفلفـــص
بتمنى أصلع عشان خـــاطرك
بتمنى اليوم بتمنى أخــــلص
و الناس راحة جاية بتتبصص
دكانــــك جدرانــــه بترشــــح
و الريحة بتنفـــخ و تمغــص
بتلف الفوطــــــة على رقبتى
و ماسك لى مقصك و تقصقص
الشعرة الناعمة بتقلعهـــــــــا
و المشط فـــى إيدك يتلصص
و مواسك تلمــــــة و تعبانى
شغالة تجــــــــرح و تهيص
و الفتلة بتلسع آه يانــــــــى
فى الجلد و فى الشعر تملص
و مرايتك و حشة و مطفية
أكرملى أتسحب و أتملــص
و رقبتى فى إيـــدك متنيـــة
و الكرسى مفكك و معصعص
بتلف ورايا و حواليــــــــــــا
فى شفايفك عمال بتمصمص
و فى سيرة الخلق ما ترحمشى
عمال بتقشـــــــــر و تفصص
على كرسى أنا صابر مستنى
أكرملى أتنيل و أتقرفـــــــــص
أنا توبت إرحمنى أنا فى عرضك
ع الكرسى أنا بصرخ و برفص
لانا قادر أقوم ولا بتحـــــــــرك
و لا قادر أبص و لا أتفلفـــص
بتمنى أصلع عشان خـــاطرك
بتمنى اليوم بتمنى أخــــلص
الجزار
يا معلم أنا نفسى ف عضمة
أرم العضم عشان هفتان
كسر ماسورة و لو فى الصورة
و أصور نفسى معاها كمان
أنا طمعان ف شوية شوربة
أصلى نسيتها بقالى زمان
حتة لحمة و لو تيجى قطمة
أو فرفوتة تهز ميزان
لو بتبيع قطاعى تقوللى !!!
نفسى ف تمنة كبدة جنان
لكن بيعك كله ف جملة
نص و كيلو و فخدة ضان
لو تتكرم أو تتنازل
أفضل واقف ف الدكان
بعد شوية خد إللى معايا
و أخرج برضه أنا الكسبان
ريحة البر أحسن من عدمه
يبقى حسابى معاك خلصان
لأ يا معلم أنا بتألم
بينى و بينك أنا الحيران
عين ف الجنة و عين ف النار
أنا متأكد قلبك لان
قوم يا معلم قول و اتكلم
هاخد ربع و أعيش ندمان
و أبقى فى يومى دفنت همومى
و أمشى أتمخطر زى الجان
لما بترفض فيا بتشخط
فكرك يعنى هكون زعلان !؟
و لا بتأثر ولا بتغير
ريحة اللحمة بتأذى جيران
وأن لجيرانى ماسيبها تعانى
و أذى ولادهم بالدخان
أكل اللحمة يسبب نقرس
طيب ليه أنا أعيش عيان ؟؟
يبقى دوايا و شايله معايا
و أتعب عضمى و عصبى كمان !!
علشان وشك يساعيها
علشان وشك يساعيها قوم برطع فيها و زيد
مادام طباعك كدا إيه جد فيها جديد
راجل مهزار و يدق الزار طرطور على راسه عاديك
أتاريه مكار يكشف أسرار نصاب ولا لازمه شريك
ينصب ع الخلق يوماتى و جايبله بطانه ألاتى
و النصب بقاله أصول إذا شفته حلفت لقول
علشان وشك يساعيها قوم برطع فيها و زيد
راجل و عجوز بيمد البوز فرقع و يمط لبانه
شكل الأراجوز و دماغ مهزوز دى حقيقة بكل أمانه
يمشى يعاكس ف الشارع و يوماتى يشوف الطالع
فى البيت يقعد مذلول و إذا شفته حلفت لقول
علشان وشك يساعيها قوم برطع فيها و زيد
أنا حر
أنا حر يابنى و ستين حر
كلمة كبيرة سقتنى المر
ماشى أتدحرج يمكن أفر
و دمعى سال على خدى يشر
سببها قلت كتير أنا حر
خرجت يوم علشان فاضى
و شفت لاعب عضله كبير
هو إللى رجعلى الماضى
دا واد خنافس م الفرافير
الناس قالولى أكيد مجنون
فى إيده مش واخد غلوة
زعقت قلت كلام موزون
يرددوه بقى فى الغنوة
أنا حر يابنى و ستين حر
و قمت متمطع قايم
مناوله بوكسين ف دماغه
حسيت ساعتها إن أنا عايم
ف بحر هايج ف صداغه
و راح رافعنى بإيده لفوق
و فجأة سابنى نزلت أفر
نفخنى طير منى الشوق
توبنى أنطق كلمة حر
و ناس تقوللى كلام بيغيظ
آنستنا و شرفت يا حر
قابلت راجل وزنه تقيل
نصاب و له فى تلات ورقات
و شافنى راجل قال يا عويل
بلاش تلاعبه و عيش ف سكات
بدأنا نلعب دور و دورين
قفلت نفسه عن المشروب
و قف و قال أيامك طين
ف لحظة تبقى إنت المغلوب
وقفت ألم هدومى و أجر
مسكنى قال لى أقعد يا عبيط
نلعب كمان إنت و بختك
سيبك بقى كدا م التنطيط
عايزين نطول شئ من ريحتك
كبش قفايا و نفض جيب
و ضهر إيده تقيل و يضر
لخبط كيانى ما يعرف عيب
توبنى أنطق كلمة حر
و ناس تقوللى كلام بيغيظ
آنستنا و شرفت يا حر
يخلق من الشبه أربعين
مونولوج : كلمات السعيد حافظ . من ديوان كلام
فاضى
يخلق من الشبـــــــه أربعيـــــن أهو ده نصيبى و قسمتى
طب فيــــــــن بقيــة لربعيــــــن حالفين ما يجوا فى سكتى
مشروع فى خطبة و زرت ناس أخطب صبيــــــة مغندرة
مرســـــــومــــة يمكن بالمقاس و البنت حلــــــوة صغيرة
و يطب خالهــــــا المحتــــــــرم تلطيش و قال فين يوجعك
كام لكاميـــــــــــــــــــة و بالقلم و يقول لى غنى بودعـــك
فين الفلوس يا أونطجـــــــــــى سنتين تاعبنى فى دنيتـى
نزل لى قلبى فى معدتــــــــــــى لخبط لى شكلى و سحنتى
و يقول لى إيه
مش غلطتـــــى يخلق من الشبه
أربعيـــن
وضبت نفسى م الصبــــــــاح و خرجت ماشى للعمــــل
الوقت بدرى و فيه بـــــــراح مبسوط قوى كلى أمـــــل
و فجأة أشوف بيه محتـــــرم ميل يلقـــح جتتـــــــــــــــه
و الإيد تقيله
آخـــــــــــر كرم و حبـــة طلع
مطوتـــــــــه
الشنطة فين يا بلطجــــــــــى و هدوم ولادى و كسوتــى
تصرخ مراته يا لهوتـــــــــى مش هو ده يــا حسرتــــى
و أرجع بعلقة و قسمتـــــــى يخلق من الشبـــه أربعيــن
الواد فوطة
من طلعة الصبح يوماتى أمسح ألمع بالفوطة
شكمان يكتم أنفاسى و عنيا أحمر م القوطة
تمللى أمسح عربيات و هدومى دايما مرطوطة
و ناس بتشخط كدا على إيه عماله تضحك مبسوطة
كلاكس يضرب فى الودنين طير لى ودنى المظبوطة
أشكال تعدى كتير و قليل خدودها دايما مشفوطة
و ناس تعدى تبص أوام الشفى شبر و ممطوطة
و فجأة أبص أشوفلك بيه عربية ف السوق مشحوطة
إيديا وصلت ع الكبوت و الفوطة جاهزة و محطوطة
زعق شخط وسخت الصاج إبعد يا إبن ..........
و ناس تعدى كتير حلوين عربية نونو و مقروطة
تحتاج لوصلة على الجنبين صواميل كتير قوى مربوطة
أحتار أنضف فيها منين و الشكل بصلة و مخروطة
سواقها يشخط قوى و يقول إتلم يا إبن ............
ليست هناك تعليقات:
إرسال تعليق