1- الحمامة
المطوقة
موال
وِقِفْ الغُراب عَ الشَجَر يُطلُب في وِد يَمام
عقلُه و قلبُه انفَطَر مِن قسوِة الأيام
رَد ْاليمام اخْتِشي فُضّك مِن الأحلام
و خَللِي عَندَك نظر !! وِ بَلاش كِتير أوهام
الحدوتة
عقلُه و قلبُه انفَطَر مِن قسوِة الأيام
رَد ْاليمام اخْتِشي فُضّك مِن الأحلام
و خَللِي عَندَك نظر !! وِ بَلاش كِتير أوهام
الحدوتة
صياد مكير راح خرج شايل شبك و حبوب
نصب الشبك محبوك و القمح فيه مقلوب
و الجوع بيعمى البصر نزل الحمام ياكل
كان فخ منصوب لهم دى القسمة و المكتوب
حمامة ليها طوق غالية و بنت أصول
شارت و كان رأيها خايفة من المجهول
نطير مع بعضنا و معانا شبكة صيد
الوحدة تبقى عزيمة لكل شئ معقول
كانت مصاحبة فار طارت أوام لهناك
يقرض خيوط الشبك يمنع دمار و هلاك
قالت له إبدأ بهم روح سبنى للآخر
تفضل نشيط ف العمل و الخير بيستناك
الفزورة :
زمان مفيش بوسطجى ينقل لنا المراسيل
شال الحمام سرنا طول النهار و الليل
لا عمره خان أو غدر للسلم رمز جميل
يطير يرفرف فوق و صوته إسمه .......
2- الغراب
موال
الفار مِتنَح وِقفْ زي إللي صَابُه جِنان
رَقَصْ بِديلُه وِ لَفْ حَرّك رِموُشُه كَمان
القُط يملاه خُوف يهرب يشوُف لُُه مَكان
يجرى وَراه الفار تُحكم بإيه يا زَمان
الحدوته:
رَقَصْ بِديلُه وِ لَفْ حَرّك رِموُشُه كَمان
القُط يملاه خُوف يهرب يشوُف لُُه مَكان
يجرى وَراه الفار تُحكم بإيه يا زَمان
الحدوته:
طار الغراب ف السما يبحث له عن صاحب
يقضى وقته معاه و لشكوته مصاحب
يسمع و ينصح فيه و القاعدة تحلالهم
يا سعده مين يلتقى خله الوفى يصاحب
أول ما قابل فار طلب الوداد بينهم
الفار بقى محتار م إللى بيجرالهم
إزاى هيبقى صديق و الود و الرحمة
غربان بتاكل فيران و يمصمصوا عضامهم
صعب الصداقة تدوم مهما يقول أعذار
لأن شرخ الدهب يفرق عن الفخار
مفيش تكافؤ هنا و بتثبته الأيام
و مهما تغلى الميه برضه تطفى النار
الفزورة:
طار الغراب عالى نفسه يلاقى حبيب
الطير بينفر ليه و الكل فيه بيعيب
مع إنه غاوى القمم و ملوهش ف الألاعيب
ف الشؤم له حكايات و صوته يبقى .......
3- البط
موال :
بط يبطبط قب و يغطس ضد الموج فرحان و يعوم
يصبح يسبح يشكر ربه رزقه يجيله يوم ورا يوم
يكبر يسمن علشان غيره لحم كتير و البيض بالكوم
لما بيسبح ناس تتعلم تبنى مراكب ليها لزوم
الحدوتة:
كان فيه مرة
نقرة ميه عايش فيها تلات بطات
فيها سمك و الخضرة كتيرة ميه جميلة تقول حكايات
سلحفة هادية معاهم عايشة كل ما بينهم كان شربات
حب وود و ألفة جميلة يكفى الدنيا عشر مرات
فجأة تقل المية تمام طبعا خيرها يقل وراها
لازم كله هيرحل منها بط يروح و يطير ف سماها
سلحفة زعلت صعب رحيلها قسوة مر الفرقة رماها
قالت بطة لابد ناخدها بأى طريقة تشيلها معاها
سلحفة تمسك حبل متين تمسك فيه و تشيل مناقيرنا
بس إياك تتكلم تنطق تسقط تحت تضييع مشاويرنا
شافت ناس و السلحفة طايرة كتر كلامهم دا إللى ضاررنا
سلحفة زعلت زعقت فيهم وقعت ترسم لينا قدرنا
الفزورة:
يوم ورا يوم بعد الفجرية دايما يحصل فيه لخبطة
صوت البط يقاطع ديكنا فرخة تكاكى و متشحططة
بطة عجوزة تجمع فيهم عايزة حياتهم متظبطة
لما الصوت بيزيد أو يعلى هى تقول بطلوا ......
