عمك كانسل
دكتور جون جه من أمريكــــا جايب عدة مـــــــن الفابريكا
يدخل عمرك جــــــوه الفلتـــر من غير شطب أو الأستيكــا
حبــــــة ليـــــزر مع لمبــــات كام أمبير على حبـــــة وات
يلغى يكنســـــــل من أيامــــك و الأحزان تشفطهـــــا آلات
رحت له فورا ع الشيزلونـــج من غير دوا أو حقنة بنــــج
و بدأت أحكى حكايتى معــــاه تفاصيل كاملة بياخـــــد رنج
من بدايات الســـت سنيــــــن و إحنا عيال نلعب فى الطين
إبتدائيــــــة الصـــــــف الأول كات بداية سبعـــــة و ستين
ست سنين ف علوم و حساب حب العلم الشـــــــوق غلاب
و تاريخ بلــدى إللى مدوخنى عمره ما يطلع يــــــوم كداب
بعدها ييجى الأمـــــر العادى مرحلة جـــــــــد بقت إعدادى
تدخل فترة جديدة علينـــــــا ندخل جامعة بشوقها النـــادى
روحنا و جينا و عقلى كبيـر من أفعالهم شوفنا كتيــــــــــر
م الإهانات أعصابنــا بتتعب تعبت يمكـــــن م التخديـــــــــر
قام و يكنســــل للى بيحصـل قمت صرخت من إللى هيحصل
سبنى ف حالى هتقضى عليا لازم ييجى اليـــــوم و هنوصل
