حمار الثانوية العامة
حمار بيسأل متضايق ليه المدارس كدا هايصة
ليه التلامذة بتتعايق على النواصى كتير مايصة
الجهل فاتح دراعاته يضحك و يحضن فى حبايبه
نظام بيرسم لمماته مسح العقول يـــــــاخد نايبه
الإمتحان أربع مرات و كل مـــــــرة نقول أحسن
ولا تقدم فى الدرجات ولا مستواهـــــــــم يتحسن
زعل الحمار و بيستغرب على النظام فى الثانويـــة
فكر يذاكر و يجرب مع الدروس الخصوصية
يحفظ يكرر و يذاكر لازم هيبقى من الشطـــار
تكراره هيخليه فاكر مع إنه غبى تمبل و حمار
كبرت فى مخ المسطول يدخل فى جامعة و مفتوحة
بفلوسة و بحبة فـــول هيجيب شهادته البحبوحـــة
بماله يعمل مـــــا بداله إن شالله يعمل شفخانــه
مشروع بيرسم ف خياله لناس كتير قوى عيانــه
عقبال حميرك يــا بلدنا تنجح و تعمل دى العملة
و ف المصالح تساعدنا و لا تشتكى القوة العاملة
الاشتراك في:
تعليقات الرسالة (Atom)
ليست هناك تعليقات:
إرسال تعليق